هذه المقارنة نبين لكم كيف توصي الأم الهاي ولدها قبل الذهاب الى المدرسة وبالمقابل شوفو الأم(الفلاحه) شو بتقول لأبنها
الأم الهاي: لا تنسى مامي تاكل الكورواسو في البريك
الأم الفلاحه: يمه... صندويشة الزعتر بالكيس اوعه يلطشوها منك
الأم الهاي: خليك عالرسيف لبين ما ييجي الباس واوعا من هدول اللي بيشحتو
الأم الفلاحه: بتروح عالمدرسة دوز دوغري ويا ويلك اذا بعرف انك شلفت اليوم
الهاي: زي ما وسيتك ابعد عن الشلة النوتي اللي بتاكل السندويتش تبعك
الفلاحه: أوعى الاقيك ظارب الولاد زي امبارح هي معك شلن اشتري اللي بدك اياه وبلاش تاكل صندويشات صحابك غصبة عنهم
الهاي: مامي دونت فورغيت لما ترجع ما رح تلاقيني في البيت عندي جيم متأخر اليوم خلي الشغالة تسخنلك البرغر
الفلاحه: بترجع من المدرسة عالدار على طول وبلاش صرمحة بالشوارع تراني عاملتلك صحن مجدرة من الآخر
الهاي: على فكرة المس كتير زعلانه منك وبعتتلي مسج انك صاير نوتي في الصف
الفلاحه: ولا... ابوك بقول انه الاساتذة بشدوا شعرهم منك.. دير بالك وبلاش تزعلهم ما اسمهم الا بني آدمين زينا
الهاي: مامي لما تروح لا تقتع الشارع واستنى بابي لما يوصل
الفلاحه: لما تقطع الشوارع لا تمشي زي الملطوش مش ناقصين مصايب بيكفي السنة الماظية اندعست عشر مرات
الهاي: على فكرة انا كتير كتير upset منك قالوالي شافوا بالهاند باغ تبعك سجاير
الفلاحه: قال بتحمل موس بشنطتك يا واطي... ولك خليك عالشفرة وهيها مستورة
الهاي: قول لسحابك ميمي وتوتو ييجوا على عيد ميلاد اختك نانا
الفلاحه: قول لصحابك عمر واسماعين ييجوا عنا بكرة حرام امهم ما بتعرف تعمل كرشات زينا
الهاي: مامي خليك كلاس مع المس تبعك ولو دليت هيك بجبلك موبايل جديد
الفلاحه: اذا رجع هاظا الاستاذ وظربك بالعصاي لا تحكي معه واتركني اروح اتفاهم معه هو مفكرنا لاقينك بالشارع
الهاي: كتبت شيك لاستاز اللانجلش والعربي والرياده وخليته مع الشغاله لما ييجوا اعتيهم اياه... اففففف تاخرت عالجوكينغ عاجبك هيك هلأ سوسو بتدايأ .
الفلاحه: الاستاذ اللي قالكو انه ممكن يعطيكوا دروس خصوصي قول له روح لاقي امي بكرة بالوزارة يا شاطر .
الخميس أكتوبر 16, 2014 9:03 pm من طرف 
ههههههههههههههههههه 
